Framundan eru forsetakosningar hjá Alþjóða handknattleikssambandinu , IHF, á þingi sambandsins þess 19. og 21. desember í Kaíró á Egyptalandi.
Alls eiga 211 ríki aðild að IHF. Stór hluti þeirra hefur litla sem enga virkni eins og bent er á í grein sem birtist á vefsíðunni GOHANDBALL og er snarað hér fyrir neðan. Þar koma fram sláandi upplýsingar hversu óvirk mörg landssambönd eru og íþróttin umsvifaminni en stjórnendur IHF vilja halda fram á hátíðlegum stundum.
Yfirgnæfandi meirihluti aðildarþjóða sambandsins er ekki á opinberum heimslista þess. Það sem er jafnvel enn meira áhyggjuefni er að yfir helmingur þeirra er án virkra vefsíðna eða virkra samfélagsmiðla, sem vekur spurningar um gagnsæi, eftirlit og raunverulega stöðu alþjóðlegrar uppbyggingar handboltans.
Nærri þrír fjórðu með enga stöðu
Með 211 aðildarþjóðir kynnir Alþjóðahandknattleikssambandið sig sem eitt af stærstu alþjóðlegu íþróttasamböndunum. En nánari skoðun á opinberu heimslistakerfi IHF leiðir í ljós sláandi veruleika: 154 þjóðir – næstum þrír fjórðu hlutar aðildarríkjanna – hafa enga stöðu á heimslistanum, að minnsta kosti samkvæmt vefsíðu IHF.
Á sama tíma eru 126 þjóðir án virkrar vefsíðu, uppfærðrar heimasíðu eða nokkurrar virkrar viðveru á samfélagsmiðlum, sem gerir það erfitt að sannreyna virkni, stjórnskipulag eða jafnvel grunngetu til samskipta. Fyrir alþjóðlegt samband sem stendur frammi fyrir mikilvægum kosningum er umfang skorts á upplýsingum óvenjulegt.
Philippe Bana, forseti franska handknattleikssambandsins og frambjóðandi til varaforseta IHF, segir:
„Í sumum löndum er ekki svo margt fólk sem vinnur með handbolta, við getum kallað þær nýþjóðir. Það er ekki auðvelt og það tekur tíma að byggja upp og þróa íþrótt í landi.“
154 þjóðir án stöðu á heimslista IHF
Samkvæmt vefsíðu IHF hafa eftirfarandi aðildarþjóðir enga skráða stöðu á heimslistanum:
Suður- og Mið-Ameríka:
Belís, Bólivía, Síle, Kólumbía, Kosta Ríka, Ekvador, El Salvador, Franska Gvæjana, Gvatemala, Gvæjana, Hondúras, Níkaragva, Panama, Paragvæ, Perú, Úrúgvæ, Venesúela.
Eyjaálfa:
Bandaríska Samóa, Ástralía, Norður-Maríanaeyjar, Cookseyjar, Míkrónesía, Fídjieyjar, Gvam, Kíribatí, Marshalleyjar, Nárú, Nýja-Kaledónía (ranglega sýnt í 27. sæti), Nýja-Sjáland, Palá, Papúa Nýja-Gínea, Samóa, Salómonseyjar, Tahítí, Tonga, Túvalú, Vanúatú.
Norður-Ameríka og Karíbahaf:
Antígva og Barbúda, Bahamaeyjar, Barbados, Bresku Jómfrúaeyjar, Kanada, Caymaneyjar, Kúba, Dóminíka, Dóminíska lýðveldið, Grænland, Grenada, Gvadelúpeyjar, Jamaíka, Martiník, Mexíkó, Púertó Ríkó, Sankti Kristófer og Nevis, Sankti Lúsía, Trínidad og Tóbagó, Bandaríki Norður-Ameríku.
Evrópa:
Albanía, Andorra, Armenía, Aserbaídsjan, Kýpur, England, Írland, Kosóvó, Lettland, Liechtenstein, Malta, Mónakó, Lýðveldið Moldóva, Skotland.
Asía:
Afganistan, Bangladess, Bútan, Brúnei, Darússalam, Kambódía, Kínverska Taípei, Alþýðulýðveldið Kórea, Hong Kong, Indland, Indónesía, Írak, Japan, Jórdanía (ranglega sýnt í 27. sæti), Kasakstan, Kúveit, Kirgistan, Alþýðulýðveldið Laos, Líbanon, Makaó, Malasía, Maldíveyjar, Mongólía, Nepal, Óman, Pakistan, Filippseyjar, Katar, Singapúr, Srí Lanka, Sýrland, Tadsjikistan, Taíland, Tímor-Leste, Túrkmenistan, Sameinuðu arabísku furstadæmin, Úsbekistan, Víetnam, Jemen.
Afríka:
Botsvana, Búrkína Fasó, Búrúndí, Grænhöfðaeyjar, Mið-Afríkulýðveldið, Tsjad, Kómoreyjar, Djíbútí, Miðbaugs-Gínea, Erítrea, Esvatíní, Eþíópía, Gambía, Gana, Gínea, Gínea-Bissaú, Kenía, Lesótó, Líbería, Líbía, Ligue de Mayotte de Handball, Madagaskar, Malaví, Malí, Máritanía, Máritíus, Mósambík, Namibía, Níger, Réunion, Rúanda, Saó Tóme og Prinsípe, Senegal, Seychelles-eyjar, Síerra Leóne, Sómalía, Suður-Afríka, Suður-Súdan, Súdan, Tógó, Túnis, Úganda, Sameinaða lýðveldið Tansanía, Sambía, Simbabve.
Skortur á gögnum um stöðu á heimslista fyrir svo stóran hluta aðildarríkjanna vekur grundvallarspurningar um eftirlit, skýrslugerð og áreiðanleika alþjóðlegrar keppnisuppbyggingar sambandsins.
126 þjóðir án vefsíðu eða samfélagsmiðla
GoHandball hefur brett upp ermar og kannað hversu margar aðildarþjóðir hafa virkar vefsíður og/eða viðhalda virkum samfélagsmiðlum. Niðurstaðan? 126 handknattleikssambönd þjóða hafa enga virka vefsíðu eða sannanlega virkni á samfélagsmiðlum, sem takmarkar gagnsæi verulega. Þar á meðal eru:
Suður- og Mið-Ameríka:
Belís, Bólivía, Franska Gvæjana, Gvatemala, Gvæjana, Hondúras, Níkaragva, Panama, Paragvæ, Venesúela.
Eyjaálfa:
Bandaríska Samóa, Norður-Maríanaeyjar, Cookseyjar, Míkrónesía, Fídjieyjar, Gvam, Kíribatí, Marshalleyjar, Nárú, Nýja-Kaledónía, Palá, Papúa Nýja-Gínea, Samóa, Salómonseyjar, Tahítí, Tonga, Túvalú, Vanúatú.
Norður-Ameríka og Karíbahaf:
Antígva og Barbúda, Bahamaeyjar, Barbados, Bresku Jómfrúaeyjar, Caymaneyjar, Kúba, Dóminíka, Dóminíska lýðveldið, Grenada, Gvadelúpeyjar, Haítí, Jamaíka, Mexíkó, Púertó Ríkó, Sankti Kristófer og Nevis, Sankti Lúsía, Trínidad og Tóbagó.
Evrópa:
Albanía, Andorra, Mónakó
Asía:
Afganistan, Barein, Bútan, Brúnei, Darússalam, Kambódía, Alþýðulýðveldið Kórea, Indland, Indónesía, Kasakstan, Kirgistan, Alþýðulýðveldið Laos, Líbanon, Makaó, Malasía, Maldíveyjar, Mongólía, Nepal, Óman, Pakistan, Filippseyjar, Katar, Srí Lanka, Arabíska lýðveldið Sýrland, Tadsjikistan, Tímor-Leste, Túrkmenistan, Víetnam, Jemen.
Afríka:
Alsír, Angóla, Benín, Botsvana, Búrkína Fasó, Búrúndí, Kamerún, Grænhöfðaeyjar, Mið-Afríkulýðveldið, Tjad, Kómoreyjar, Kongó, Djíbútí, Miðbaugs-Gínea, Erítrea, Esvatíní, Eþíópía, Gabon, Gambía, Gana, Gínea, Gínea-Bissaú, Kenía, Lesótó, Líbería, Líbía, Handknattleikssamband Mayotte, Madagaskar, Malaví, Malí, Máritanía, Máritíus, Marokkó, Mósambík, Namibía, Níger, Nígería, Saó Tóme og Prinsípe, Senegal, Seychelles-eyjar, Síerra Leóne, Sómalía, Suður-Afríka, Suður-Súdan, Súdan, Tógó, Úganda, Sameinaða lýðveldið Tansanía, Sambía, Simbabve.
Lönd án landsdeildar eða landsliða
En þar með er ekki öll sagan sögð. Samkvæmt rannsókn sem ONE8Y framkvæmdi skortir mörg sambönd einnig landsdeild eða opinbert landslið. Í rannsókninni, sem GoHandball fór yfir, kemur fram að hvorki meira né minna en 51 prósent (107 sambönd) skortir landsdeild.
- Til að bæta gráu ofan á svart hafa 47 prósent (99 sambönd) ekki opinbert landslið.
- Þannig að niðurstaðan er þessi: Aðildarríkjum IHF hefur fjölgað í gegnum árin, en hefur einhver eiginleg þróun átt sér stað?
Stærri spurningin fyrir kosningarnar
Fyrir samband sem undirbýr kosningu næsta forseta síns undirstrikar skortur á tiltækum upplýsingum – hvort sem um er að ræða styrkleikalista, stafræna viðveru eða grunnsamskipti – dýpri skipulagsvandamál. Ef ekki er hægt að ná í, sannreyna eða stafrænt auðkenna meira en helming allra aðildarþjóða, hversu nákvæmlega fylgist IHF með alþjóðlegri útbreiðslu handknattleiksíþróttarinnar?
- Umfang gagna sem vantar ýtir undir spurningu í tengslum við kosningarnar í desember: Hversu vel þekkir sambandið í raun stöðu aðildarríkja?
