Handboltamóti 5. flokks kvenna frestað – Kórinn er fjöldahjálparstöð

Tilkynning frá Handknattleikssambandi Íslands:

Nú hefur sú slæma staða komið upp að við verðum því miður að fresta mótinu um helgina hjá 5. flokki kvenna sem fram átti að fara í Kórnum. Það er gert að ósk Almannavarna Ríkisins vegna ástandsins nærri Grindavík. Þar sem að Kórinn er fjöldahjálparstöð númer 1 fyrir fólk á Grindavíkursvæðinu er íþróttasalurinn lagður undir það og ómögulegt að halda mótið núna um helgina.