„Við sáum að þær voru orðnar þreyttar þegar leið á leikinn og reyndum þá að keyra af krafti á þær til að klára leikinn,“ sagði Díana Dögg Magnúsdóttir landsliðskona í handknattleik í samtali við handbolta.is þegar hún gekk af leikvelli að loknum sjö marka sigri íslenska landsliðsins á kínverska landsliðinu, 30:23.
Sigurinn tryggði íslenska liðinu réttinn til að leika við landslið Kongó um forsetabikar heimsmeistaramótsins á miðvikudagskvöld.
Mjög góður varnarleikur
„Varnarleikur okkar var mjög góður í kvöld. Með honum kom sóknarleikurinn og þar með var björninn unninn. Okkur tókst halda áfram allt til leiksloka. Dreifðum álaginu vel á milli okkar sem var til þess að auðvelda okkur að halda út til loka og keyra yfir þær kínversku.
Það var alltaf markmið okkar að vinna leikinn og komast í úrslitin. Þá pressu settum við okkur sjálfar og stóðum undir henni. Nú er lokaverkefnið framundan,“ sagði Díana Dögg Magnúsdóttir í samtali við handbolta.is.
Er það fallið? Ég var ekki alveg viss
Geggjuð frammistaða – æðisleg stemning
Sandra bætti markamet Karenar á HM
Ellefu mörk skoruð eftir gegnumbrot
Kínverjar brotnir á bak aftur – Ísland í úrslitaleik
HM kvenna ´23: Forsetabikar: leikir, úrslit, staðan
