„FH-ingar eru bara nokkrum þrepum ofar en við. Þess vegna var okkur ljóst að það yrði á brattann að sækja í leiknum,“ sagði Bjarni Fritzson þjálfari ÍR í samtali við handbolta.is í gærkvöld eftir að 13 marka tap fyrir FH, 38:25, í 16-liða úrslitum Poweradebikarsins í handknattleik karla í Skógarseli í gærkvöld.
„Mér fannst við gera ýmislegt vel á köflum í þessum leik. Þeir náðu að loka á sóknarleik okkar í byrjun seinni hálfleik. Þá misstum við þá svolítið frá okkur. Við vorum stífir í sóknarleiknum, náðum ekki floti á boltann gegn framliggjandi vörn. Okkur tókst ekki að ná almennilegum skotum og þá kláruðu FH-ingar leikinn,“ sagði Bjarni Fritzson þjálfari ÍR ennfremur.
Tengt efni:
Þrjú lið kræktu í sæti átta liða úrslitum
Vorum inni í leiknum allt til loka
Stoltur yfir að komast áfram í átta liða úrslit
Vil að sjálfsögðu fá heimaleik
