Flautað verður til leiks í Grill 66-deild karla laugardaginn 23. september. Fimm leikir verða á dagskrá, heil umferð vegna þess að tíu lið eru skráð til þátttöku, rétt eins og á síðasta keppnistímabili. Ungmennalið Selfoss og Fram, sem voru með síðasta vetur voru ekki skráð til leiks. Í stað þeirra mæta U-lið HK og Víkinga til leiks.
Handknattleikssamband Íslands birti í gær drög að leikjadagskrá Grill 66-deildanna fyrir næsta keppnistímabil.
Samkvæmt drögunum er stefnt á að leika flesta leiki deildarinnar á laugardögum í vetur. Undanfarin ár hafa föstudagar verið aðal leikdagar í Grill 66-deildinni. Ein umferð er áformuð á föstudegi í lok janúar auk síðustu umferðarinnar sem stendur til að verði háð fimmtudaginn 28. mars.
Leikir 1. umferðar Grill 66-deildar karla laugardaginn 23. september klukkan 16:
ÍR – HK U.
Fjölnir – Haukar U.
Þór – Valur U.
Hörður – Víkingur U.
Kórdrengir – KA U.
Hægt er að skoða drög að leikjaniðurröðun Grill 66-deildar karla með því að smella hér.
Einnig hér.
Stórleikur strax í fyrstu umferð Olísdeildar kvenna
Flautað til leiks í Kaplakrika 7. september
