- Auglýsing -
- Berta Rut Harðardóttir og samherjar hennar í Kristianstad HK tryggðu sér fimmta sæti í sænsku úrvalsdeildinni í gærkvöld þegar síðasta umferðin fór fram. Kristianstad HK vann Skara HF, 29:25, í Skara. Berta skoraði tvö mörk og átti tvær stoðsendingar.
- Aldís Ásta Heimisdóttir skoraði fjögur mörk fyrir Skara í tapleiknum í gær og gaf þrjár stoðsendingar. Jóhanna Margrét Sigurðardóttir skoraði einnig þrjú mörk og átti tvær stoðsendingar.
- Lokastöðuna í sænsku úrvalsdeildinni er m.a. að finna hér.
- Kristianstad HK mætir Önnereds í átta liða úrslitum sænska meistaratitilinn en Skara-liðar verða að glíma við H65 Höör. Úrslitakeppnin hefst eftir miðjan apríl að loknum landsleikjum í undankeppni Evrópumótsins og forkeppni Ólympíuleikananna sem fram fer 11. – 14. apríl. Sænska landsliðið verður á meðal þátttakenda.
- Andrea Jacobsen landsliðskona í handknattleik var í leikmannahópi Silkeborg-Voel í gær þegar liðið tapaði fyrir Nykøbing Falster Håndbold (NFH) í fyrstu umferð riðlakeppni úrslitakeppninnar um danska meistaratitilinn í handknattleik.
- Andrea hefur ekki verið í leikmannahópi Silkeborg-Voel síðan í janúar fyrr en nú vegna afleiðinga höfuðhöggs sem hún varð fyrir. Andrea kom ekkert við sögu í leiknum en vitanlega fer hún sér í engu óðslega í upphafi.
- NFH vann leikinn sem fram fór í Silkeborg, 27:24. Næsti leikur Andreu og samherja í úrslitakeppninni verður á laugardaginn við Esbjerg.
- Fredrikstad Bkl. vann mikilvægan sigur á Larvik, 31:23, í 24. umferð norsku úrvalsdeildarinnar í handknattleik kvenna í gær. Með sigrinum höfðu liðin sætaskipti í fjórða og fimmta sæti. Eitt stig skilur þau að, Fredrikstad Bkl í hag. Elías Már Halldórsson er þjálfari Fredrikstad Bkl. Stöðuna í norsku úrvalsdeildinni og í fleiri deildum evrópsks handknattleiks er að finna hér.
- Ómar Ingi Magnússon er í liði 26. umferðar þýsku 1. deildarinnar í handknattleik. Hann lék á als oddi og skoraði 13 mörk og átti fjórar stoðsendingar þegar lið hans, SC Magdeburg, vann Bergischer 30:27, á sunnudaginn á útivelli.
- Auglýsing -
