Tvær stúlkur sem eru af íslensku bergi brotnar verða í 18 ára landsliði Noregs sem tekur þátt í heimsmeistaramóti 18 ára landsliða sem fram fer í Kína frá 14. til 25. ágúst. Annars vegar er það Ella Bríet Gunnarsdótttir leikmaður hjá Stavanger IF og hinsvegar Mali Halldórsson sem í vor samdi við úrvalsdeildarlið Oppsal eftir að hafa leikið með Kongsvinger í 2. deild.
Hálf íslenskt handboltaefni hefur samið við Oppsal
Báðar hafa þær áður leikið með enn yngri lansliðum Noregs.
Áður en norska landsliðið fer til Kína og mætir landsliði Kasakstan í fyrstu umferð heimsmeistaramótsins 14. ágúst tekur liðið þátt í fjögurra liða undirbúningsmóti ásamt landsliðum Danmerkur, Svíþjóðar og Frakklands sem einnig hafa sett stefnuna á HM.
U18 ára landslið Íslands verður einnig með á HM í Kína í ágúst og leikur í riðli með Þýskalandi, Tékklandi og Gíneu.
U18 ára landsliðið mætir andstæðingum frá EM í fyrra á HM í sumar
Rakel Dögg hefur valið Kínafarana – HM 18 ára
