Malin Halldorsson, 17 ára gömul handknattleikskona, hefur skrifað undir þriggja ára samning við norska úrvalsdeildarliðið Oppsal sem staðsett er í Ósló. Mali er af íslensku bergi brotin. Faðir hennar er Hrafnkell Kristjánsson sem búið hefur í Noregi um langt árabil.
Mali er að margra mati eitt mesta efni í norskum handknattleik um þessar mundir. Þess vegna voru fleiri lið á höttunum á eftir henni. Í vetur lék Mali með Kongsvinger í 2. deild.
Mali hefur átt sæti í yngri landsliðum Noregs er m.a. markahæst með 77 mörk fyrir landslið kvenna fæddar 2006.
Auk þess að vera efnileg í handknattleik hefur Mali náð eftirtektarverðum árangri í frjálsíþróttum, m.a. í kúluvarpi, spjótkasti og hástökki.
Hrafnkell, faðir Mali, lék handknattleik og knattspyrnu hér á landi áður en hann flutti til Noregs. Bróðir Hrafnkels er Kristján (Sissi) Halldórsson fyrrverandi línumaður Breiðbliks, handknattleiksþjálfari hér á landi, í Noregi og í Danmörku. Síðustu árin hefur Kristján verið með vöskustu eftirlitsmanna á handboltaleikjum hér heima.
