Ólafur Örn Haraldsson verður eftirlitsmaður á leik GOG og BM Granollers í síðustu umferð riðlakeppni Evrópudeildar karla í handknattleik í kvöld. Leikurinn fer fram í Svendborg á Fjóni.
Portúgalsmeistarar Sporting, sem Orri Freyr Þorkelsson landsliðsmaður leikur með, hefur orðið fyrir áfalli. Ungstirnið og landsliðsmaðurinn Francisco Costa meiddist í leik við Porto á laugardaginn og verður frá keppni í ótiltekinn tíma. Sporting er í hörkukeppni við Porto um meistaratitilinn auk þess að berjast við að ná öðru sæti A-riðils Mestaradeildarinnar og komast beint í átta liða úrslit keppninnar. Sporting sækir Wisla Plock heim til Póllands í síðustu umferð riðlakeppni Meistaradeildarinnar á fimmtudagskvöld.
Hollenski handknattleiksmaðurinn Kay Smits leikur ekki með Flensburg um ótiltekinn tíma vegna veikinda. Smits gekkst undir á reglubundið eftirlit vegna hjartasjúkdóms. Skoðunin leiddi í ljós að Smits verður að taka því rólega á næstunni. Hann var lengi frá keppni leiktímabili 2023/2024 vegna hjartsláttartruflana sem illa gekk að ná tökum á. Síðan hefur Smits, sem 27 ára gamall, verið undir reglubundnu eftirliti.
Króatinn Marko Kopljar hefur samið við Flensburg út leiktíðina. Honum er ætlað að létta undir í fjarveru Smits. Kopljar, sem er 39 ára gamall, hefur ekkert leikið handknattleik síðan samningur hans við Füchse Berlin rann sitt skeið síðasta sumar.
Báðir leikstjórnendur franska liðsins Nantes, Lucas de laBretèche og Aymeric Minne, meiddust báðir á hnjám í leik gegn Chartres á laugardaginn. Bretèche er úr leik það sem eftir er leiktíðar en Minne verður frá keppni í tvo mánuði. Nantes er efst í frönsku deildinni og eldlínu Meistaradeildarinnar.
