- Auglýsing -
Guðjón Valur Sigurðsson, þjálfari karlaliðs VfL Gummersbach í þýsku 1. deildinni í handknattleik, er ánægður með að hafa klófest hinn 18 ára gamla Garðar Inga Sindrason frá FH.
VfL Gummersbach tilkynnti um félagaskiptin í gær og skýrði um leið frá því að þýska félagið væri komið í formlegt samstarf við FH.
Garðar Ingi til liðs við Gummersbach
„Gassi er ennþá mjög ungur að árum og einn hæfileikaríkasti leikmaður Íslands. En hann mun eflaust þurfa sinn tíma til að aðlagast.
Við þurfum að byggja hann vel upp því skrefið frá Íslandi til Þýskalands er ansi stórt, en auðvitað væntum við mikils af honum í framtíðinni og erum mjög ánægð með þessi félagaskipti,“ sagði Guðjón Valur í samtali við heimasíðu VfL Gummersbach.
- Auglýsing -
