Matthildur Lilja Jónsdóttir hefur framlengt samningnum sínum við handknattleiksdeild ÍR. Hún var í stóru hlutverki þegar ÍR-liðið tryggði sér fyrr í mánuðinum sæti í Olísdeildinni á næstu leiktíð. Framundan er þar með spennandi tímabil hjá ÍR-ingum.
Matthildur Lilja skoraði 52 mörk í 15 leikjum í Grill66-deildinni í vetur. Einnig skoraði Matthildur Lilja 21 mark í átta umspilsleikjum auk þess að taka hressilega til hendinni við varnarleikinn.
„Ég er mjög ánægð með að Matthildur framlengi við okkur enda lykilmaður í okkar liði á báðum endum vallarins. Matthildur er frábær karakter, metnaðarfull og leggur sig fram í öll verkefni sem hefur skilað sér í miklum framförum. Ég er spennt að vinna áfram með henni og hjálpa henni að takast á við næstu áskoranir,” segir Sólveig Lára Kjærnested þjálfari ÍR í tilkynningu handknattleiksdeild ÍR í morgun.
Matthildur Lilja er á meðal varamanna í U19 ára landsliðinu sem tekur þátt í Evrópumótinu í fyrri hluta júlí.
Fleiri leikmenn ÍR hafa að undanförnu framlengt samninga sína við félagið eins og handbolti.is hefur sagt frá.
