Önnur umferð undanúrslita Olísdeildar kvenna fer fram í kvöld. Leikið verður á Ásvöllum og í Vestmannaeyjum. Auk þess halda Fjölnir og Þór áfram kapphlaupinu um sæti í Olísdeild karla á næsta keppnistímabili í Fjölnishöllinni. Hvort lið hefur einn vinning.
Haukar unnu Framara í framlengdri viðureign, 27:23, í Lambhagahöll Framara á þriðjudagskvöldið. Sama kvöld unnu deildarmeistara Vals öruggan sigur á ÍBV, 28:22, í eftir að hafa náð níu marka forskoti, 13:4, á fyrstu 20 mínútunum í N1-höllinni á Hlíðarenda.
Rimmurnar þrjár eiga það sameignlegt að vinna þarf þrjár viðureignir til að bera hærri hlut frá borði.
Leikirnir verða sendir út á Handboltapassanum.
Leikir kvöldsins
Olísdeild kvenna, undanúrslit, 2. umferð:
Ásvellir: Haukar – Fram (1:0), kl. 18.
Vestmannaeyjar: ÍBV – Valur (0:1), kl. 19.40.
Umspil Olísdeild karla, úrslit, 3. umferð:
Fjölnishöll: Fjölnir – Þór (1:1), kl. 19.30.
