- Auglýsing -
- Auglýsing -
- Auglýsing -

12 marka sigur á Chile í fyrsta æfingaleiknum

Íslenska landsliðið sem lagði Chile í dag og mætir Rúmenum á morgun. Mynd/HSÍ
- Auglýsing -

Landslið kvenna í handknattleik, skipað leikmönnum 20 ára og yngri, vann landslið Chile í sama aldursflokki með 12 marka mun, 32:20, í fyrstu umferð æfingamóts í Skopje í Norður Makedóníu í dag. Staðan var 16:10 að loknum fyrri hálfleik, íslenska landsliðinu í vil.

Á morgun mætir íslenska liðið því rúmenska sem hafnaði í þriðja sæti á EM 19 ára landsliða fyrir ári. Rúmenía vann Angóla á mótinu í dag með tveggja marka mun. Angólaliðið verður fyrsti andstæðingur Íslands á HM á næsta miðvikudag. Þriðji leikurinn verður á sunnudaginn en viðureignirnar eru liður í undirbúningi fyrir heimsmeistaramót 20 ára landsliða sem hefst í Skopje á miðvikudaginn.

„Við rúlluðum vel á liðinu en 15 af 16 leikmönnum tóku þátt í þessum fína sigri,” sagði Ágúst Þór Jóhannsson annar þjálfari U20 ára landsliðsins í skilaboðum til handbolta.is. Tinna Sigurrós Traustadóttir var ekki með vegna meðsla.

„Faman af vorum við að átta okkur á leik Chile en eftir að við höfðum náð áttum þá var varnarleikurinn og markvarslan góð. Okkur tókst að halda uppi mjög góðum hraða og skora alls 16 mörk eftir hraðaupphlaup í fyrstu, annarri og þriðju bylgju,” sagði Ágúst Þór ennfremur og bætti við að nokkuð hafi vantað upp á nýtingu færa í fyrri hálfleik en það hafi batnað til muna í þeim síðari.

„Uppstilltur sóknarleikur var á köflum ekki nógu góður en það tekur sinn tíma að stilla saman strengina á milli leikmanna. Það er einmitt tilgangurinn með æfingaleikjunum að stilla okkur saman. Sumt var gott en annað sem betur mátti fara,” sagði Ágúst Þór Jóhannsson annar þjálfara U20 ára landsliðs kvenna eftir 12 marka sigurinn á Chile í dag.

Mörk Íslands: Sonja Lind Sigsteinsdóttir 8, Elín Klara Þorkelsdóttir 6, Lilja Ágústsdóttir 5, Inga Dís Jóhannsdóttir 4, Elísa Elíasdóttir 2, Katrín Anna Ásmundsdóttir 2, Alfa Brá Oddsdóttir Hagalín 2, Hildur Lilja Jónsdóttir 1, Sylvía Sigríður Jónsdóttir 1, Rakel Oddný Guðmundsdóttir 1, Embla Steindórsdóttir 1.
Varin skot: Ethel Gyða Bjarnasen 9, Anna Karólína Ingadóttir 4.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -