- Auglýsing -
- Elliði Snær Viðarsson skoraði sex mörk í sjö skotum þegar lið hans, Gummersbach, vann Eisenach, 28:25, á heimavelli í gær í þýsku 2. deildinni í handknattleik. Gummersbach heldur efsta sæti deildinnar. Liðið er með 34 stig eftir 22 leiki og er tveimur stigum á undan Nordhorn.
- Andrea Jacobsen skoraði þrjú mörk og átti fimm stoðsendingar þegar lið hennar Kristianstad tapaði á útivelli fyrir Önnereds HK í Gautaborg í gær, 23:17. Kristianstad er í 10. sæti af 12 liðum sænsku úrvalsdeildarinnar.
- Það kom ekki að sök hjá Guif þótt Daníel Freyr Andrésson næði sér lítt á strik á heimavelli í gær þegar HK Aranäs kom í heimsókn. Guif vann leikinn með fimm marka mun, 29:24. Daníel Freyr varði 4 skot, 25%, þann tíma sem hann stóð í marki Guif sem lyftist upp í áttunda sæti sænsku úrvalsdeildarinnar með þessum sigri.
- Orri Freyr Þorkelsson skoraði átta mörk fyrir Elverum vann Bækkelaget, 37:17, á heimavelli í norsku úrvalsdeildinni í gærdag. Aron Dagur Pálsson lék sinn fyrsta leik með norsku meisturunum eftir að hafa gengið til liðs við þá snemma í síðustu viku. Hann skoraði eitt mark. Elverum hefur unnið alla 20 leiki sína í deildinni fram til þess og hefur yfirburðastöðu í deildinni.
- Elías Már Halldórsson og leikmenn hans í Fredrikstad Bkl. fögnuðu langþráðum sigri í norsku úrvalsdeild kvenna í gær. Fredrikstad Bkl. vann Tertnes með fimm marka mun Åsane Arena, rétt norðan við Björgvin, 27:22. Fredrikstad Bkl. er í tíunda sæti af 14 liðum í deildinni með 14 stig að loknum 18 leikjum. Átta umferðir eru eftir af deildarkeppninni.
- Storhamar, norska handknattleiksliðið sem Axel Stefánsson þjálfar, er komið í átta liða úrslit í Evrópudeildinni. Storhamar vann Togliatti frá Rússlandi í gær, 30:25, er er þar með öruggt með annað sæti í C-riðli keppninnar og sæti í átta liða úrslitum ásamt Herning-Ikast, Sola, Msonmagyatovar, Bietigheim, Baia Mare, Viborg og Valcea.
- Auglýsing -
