- Auglýsing -

Metnaðarfullur hópur sem hungrar í verðlaun

Tonje Larsen aðstoðarþjálfari norska landsliðsins og Þórir Hergeirsson, landsliðsþjálfari Noregs, stýra ekki norska landsliðinu á EM á heimavelli að þessu sinni. Mynd/EPA

Þórir Hergeirsson, landsliðsþjálfari Noregs í handknattleik kvenna, hefur valið þá 20 leikmenn sem taka þátt í Evrópumeistaramótinu sem fram fer í Noregi og í Danmörku frá 3. til 20. desember.

„Þetta er metnaðarfullur hópur leikmanna sem hungrar í að vinna til verðlauna á síðasta sunnudegi fyrir jól,” er m.a. haft eftir Þóri Hergeirssyni, landsliðsþjálfara, á heimasíðu norska handknattleikssambandsins.

Að þessu sinni mega þjálfarar velja 20 leikmenn til þátttöku í mótinu, sextán í aðalhópnum eins og venjulega, og fjóra til að hlaupa í skarðið vegna meiðsla og ef þörf verður að skipta vegna kórónuveirusmita. Reyndar eru reglur þannig í Noregshluta mótsins að greinist smit hjá einum leikmanni hópsins þá fellur liðið í heild úr keppni ásamt síðasta andstæðingi. Vonir standa til að undanþága fáist frá reglunum.

Til stendur að norska landsliðið hiti upp fyrir EM með þátttöku í fjögurra liða móti í Bergen 26. – 29. nóvember. Auk norska landsliðins taka landslið Danmerkur, Evrópumeistara Frakka og Þjóðverja þátt í mótinu.

Af leikmönnunum 20 leika 12 með félagsliðum utan Noregs.

Emily Stang Sando, SG BBM Bietigheim (26/0)
Henny Ella Reistad, Våg Håndball Elite (15/390)
Emilie Hegh Arntzen, Våg Håndball Elite (105/183)
Veronica Kristiansen, Gyøri Audi ETO (133/450)
Marit Malm Frafjord, Team Esbjerg (200/409)
Heidi Løke, Våg Håndball Elite (216/789)
Stine R Skogrand, Herning-Ikast Håndbold (85/133)
Nora Mørk, Våg Håndball Elite (119/573)
Stine Bredal Oftedal, Gyøri Audi ETO (190/502)
Malin Aune, Våg Håndball Elite (58/109)
Silje Solberg, Gyøri Audi ETO (148/1)
Kari Brattset Dale, Gyøri Audi ETO (66/149)
Marit Røsberg Jacobsen, Team Esbjerg (62/118)
Camilla Herrem, Sola HK (250/676)
Sanna Solberg, Team Esbjerg (149/277)
Kristine Breistøl, Team Esbjerg (8/8)
Fjórir varamenn:
Silje Waade, Våg Håndball Elite (45/57)
Rikke Granlund, Team Esbjerg (0/0)
Ingvild Bakkerud, Herning-Ikast Håndbold (28/42)
Marta Tomac, Våg Håndball Elite (71/72)

- Auglýsing -
- Auglýsing -

Nýjustu fréttir

- Auglýsing -