- Auglýsing -
ÍBV vann Stjörnuna í uppgjöri um þriðja sætið á Ragnarsmóti kvenna í handknatteik í Sethöllinni á Selfossi í dag, 26:19. ÍBV var marki yfir að loknum fyrri hálfleik, 10:9.
Stjarnan skoraði þrjú fyrstu mörkin í leiknum. Eyjaliðið svaraði með fjórum mörkum í röð og gaf Stjörnunni aldrei mögulega á að komast yfir aftur það sem eftir var af viðureigninni. Varnarleikur ÍBV var góður sem olli Stjörnunni talsverðum vandræðum. Talsvert margir ungir leikmenn hafa fengið tækifæri til að spreyta sig með Stjörnunni í leikjunum þremur á mótinu.
Fram og Selfoss mætast í úrslitaleik Ragnarsmótsins klukkan 14. Leiknum verður streymt á Selfosstv.
Mörk Stjörnunnar: Helena Rut Örvarsdóttir 5, Thelma Dögg Einarsdóttir 3, Birta María Sigmundsdóttir 2, Bryndís Hulda Ómarsdóttir 2, Thelma Sif Sófusdóttir 2, Vigdís Arna Hjartardóttir 1, Anna Karen Hansdóttir 1, Britney Cots 1, Eva Björk Davíðsdóttir 1, Hanna Guðrún Hauksdóttir 1.
Mörk ÍBV: Hrafnhildur Hanna Þrastardóttir 6, Harpa Valey Gylfadóttir 5, Elísa Elíasdóttir 3, Sunna Jónsdóttir 3, Karolina Olszowa 3, Ásta Björt Júlíusdóttir 2, Marija Jovanovic 2, Herdís Eiríksdóttir 1, Ingibjørg Olsen 1.
- Auglýsing -
