- Auglýsing -

Einar Baldvin verður áfram með Gróttu

Einar Baldvin Baldvinsson markvörður Gróttu. Mynd/Eyjólfur Garðarsson

Handknattleiksmarkvörðurinn Einar Baldvin Baldvinsson hefur framlengt samning sinn við Gróttu til tveggja ára, út tímabilið 2024.


Einar Baldvin hefur verið einn besti markmaður Olísdeildarinnar undanfarin tvö ár og var með þriðju bestu hlutfallsmarkvörsluna í Olísdeildinni á síðasta leiktímabili eða 30,9%. Það sem af er leiktíðinni er Einar Baldvin með 33,9% markvörslu samkvæmt tölfræðiveitunni HBStatz.


Einar Baldvin er uppalinn í Fossvoginum hjá Víkingi en hann lék með Val og Selfoss áður en hann kom til Gróttu sumarið 2021 þegar Stefán Huldar Stefánsson fór til Hauka að lokinni lánsdvöl á Seltjarnarnesi.


Grótta er í níunda sæti Olísdeildar með átta stig eftir 10 leiki. Á morgun sækja Einar Baldvin og félagar í Gróttu liðsmenn KA heim í KA-heimilið í 11. umferð Olísdeildar.

- Auglýsing -
- Auglýsing -

Nýjustu fréttir

- Auglýsing -