Framundan er spennandi kvöld í handknattleiknum hér heima. Kvennalandsliðið mætir B-landsliði Noregs á Ásvöllum klukkan 19.30. Um er að ræða fyrri viðureign liðanna. Sá síðari verður á sama stað á laugardaginn. Leikirnir eru liður í undirbúningi íslenska landsliðsins fyrir viðureignir við Ungverja í næsta mánuði um keppnisrétt á HM.
Ókeypis aðgangur verður á báða landsleikina í boði Kletts. Þar af leiðandi ætti fátt að vera til fyrirstöðu að mæta á Ásvelli í kvöld og styðja íslenska landsliðið af krafti.
Til viðbótar verða þrír leikir á dagskrá í Olísdeild karla, þar á meðal viðureign FH og ÍBV þar sem annað sæti deildarinnar er undir. Mikil spenna ríkir vegna þess að komið er inn á endasprett deildarkeppninnar. Enginn vill missa af sæti í úrslitakeppninni.
Leikir kvöldsins
Vináttulandsleikur kvenna:
Ásvellir: Ísland – Noregur B, kl. 19.30 – streymt á miðlum HSÍ og á handbolti.is.
Klettur býður landsmönnum á leikinn.
Olísdeild karla:
TM-höllin: Stjarnan – KA, kl. 18 – sýndur á Stjarnan handboltiTV.
Kaplakriki: FH – ÍBV, kl. 18 – sýndur á Stöð2sport.
Úlfarsárdalur: Fram – Haukar, kl. 19.40 – sýndur á Stöð2sport.
Staðan í Olísdeild karla og næstu leikir.
Grill 66-deild karla:
Kórinn: HK – Selfoss, kl. 18.
Staðan í Grill 66-deild karla.
