Áfram verður leikið í Olísdeild karla í kvöld eins og undanfarin tvö kvöld. Að þessu sinni mætast Afturelding og ÍBV að Varmá í Mosfellsbæ klukkan 18. Bæði leika í Evrópubikarkeppninni um helgina. Mosfellingar halda til Noregs en Eyjamenn til Lúxemborgar þar sem þeirra bíða tvær viðureignir.
Afturelding situr í þriðja sæti Olísdeildar með átta stig að loknum fimm leikjum. ÍBV er næst á eftir með sex stig.
Auk leiksins í Olísdeildinni þá hefur kvennalandsliðið keppni í undankeppni Evrópumótsins 2024 með leik við landslið Lúxemborgar á Ásvöllum. Flautað verður til leiks klukkan 19.30. Einnig eiga Færeyingar og Svíar sæti í riðlinum. Færeyingar sækja Svía heim til Uppsala á morgun.
Leikir kvöldsins
Olísdeild karla:
Varmá: Afturelding – ÍBV, kl. 18.
Staðan og næstu leikir í Olísdeildum.
Leikurinn verður í beinni útsendingu á sjónvarpi Símans.
Undankeppni EM kvenna:
Ásvellir: Íslands – Lúxemborg, kl. 19.30.
Leikurinn verður í beinni útsendingu á RÚV2.
Frítt verður á leikinn í boði Boozt.com, eins af samstarfsfyrirtækjum HSÍ.
