Óðinn Þór markahæstur – Kadetten í undanúrslit

Ívar Benediktsson

31.01.24

Óðinn Þór Ríkharðsson landsliðsmaður og leikmaður Kadetten Schaffhausen í Sviss. Ljósmynd/Hafliðið Breiðfjörð

- Auglýsing -

Óðinn Þór Ríkharðsson mætti galvaskur til leiks í kvöld með svissneska meistaraliðinu Kadetten Schaffhausen í kvöld og var markahæstur í sex marka sigri liðsins, 31:25, á heimavelli þegar leikmenn GC Amicitia Zürich komu í heimsókn í átta liða úrslitum bikarkeppninnar.

Óðinn Þór skoraði sex mörk, þar af fimm úr vítaköstum en þrír samherjar hans voru næstir á eftir með fimm mörk hver.

Lakers Stafa, Wacker Thun, RTV Basel komst einnig í undanúrslit bikarkeppninnar í kvöld en bikarmeistarar HC Kriens eru úr leik.