Dagur Gautason var í sigurliði Montpellier í kvöld þegar þráðurinn var tekinn á nýjan leik í frönsku 1. deildinni í handknattleik að loknu hléi vegna landsleikja. Dagur skoraði þrjú mörk, þar af eitt úr vítakasti, í níu marka sigri Montpellier í heimsókn til Cesson Rennes, 33:24.
Montpellier, sem er í þriðja sæti deildarinnar, var fimm mörkum yfir að loknum fyrri hálfleik, 16:11.
Grétar Ari Guðjónsson varði 6 skot, þar af eitt vítakast, 22%, á þeim tæpu 28 mínútum sem hann stóð á milli stanganna í marki Ivry gegn PSG í Parísarslag, 41:28, á heimavelli.
Stjörnumprýtt lið PSG var með talsverða yfirburði í leiknum enda er staða liðanna æði misjöfn. PSG er í efsta sæti með 37 stig eftir 20 leiki. Ivry rekur lestina með sjö stig.
Darri Aronsson, leikmaður Ivry, er ennþá úr leik vegna erfiðra meiðsla.
Staðan í frönsku 1. deildinni:
