Hinn hálfíslenski handknattleiksmaður Viktor Petersen Norberg hefur samið við þýska liðið HC Elbflorenz í Dresden frá og með 1. júlí. Viktor, sem er örvhent skytta, var seldur frá Drammen HK í desember til HSG Wetzlar þegar meiðsli herjuðu á herbúðir liðsins. Hann skrifaði þá undir skammtímasamning sem rennur út í lok leiktíðar.
Viktor seldur til Wetzlar – fyrsti leikur á sunnudag
Viktor hefur gert tveggja ára samning HC Elbflorenz sem er um þessar mundir í 5. sæti 2. deildar með 28 stig eftir 24 leiki.
Viktor er 24 ára gamall sonur Birnu Petersen fyrrverandi Íslandsmeistara í badminton. Hún hefur búið um langt árabil í Noregi. Faðir Viktors er Ken Håkon Norberg sem lék m.a. um árabil með handknattleiksliðinu Runar í Sandefjord.
Síðast í gærkvöld var Viktor á ferðinni með HSG Wetzlar. Hann skoraði þrjú mörk og gaf eina stoðsendingu þegar liðið tapaði fyrir Gummersbach, 33:24, í þýsku 1. deildinni.
Viktor Petersen Norberg verstärkt den HC Elbflorenz ab Sommer – frétt frá 5. mars.
