Síðasta umferð Olísdeildar kvenna verður leikin í kvöld með fjórum viðureignum sem allar hefjast klukkan 19.30. Víst er fyrir leikina í kvöld að Valur er deildarmeistari og Fram hafnar í öðru sæti. Liðin tvö sitja yfir í fyrstu umferð úrslitakeppninnar.
Liðin sem hafna í þriðja til sjötta sæti mætast í fyrstu umferð úrslitakeppninnar. Haukar eiga þriðja sætið víst og mætir liðinu sem hafnar í sjötta sæti. Fyrir leikina í kvöld er ÍBV í sjötta sæti.
Selfoss heldur 4. sæti
Víst er að Selfoss verður í fjórða sæti. ÍR getur jafnað Selfoss að stigum, tapi Selfoss fyrir Fram og ÍR vinnur Gróttu. Selfoss stendur betur að vígi í innbyrðisleikjum gegn ÍR og getur þar með ekki tapað fjórða sætinu og þar með heimaleikjaréttinum í fyrstu umferð úrslitakeppninnar.
Þriggja liða barátta
Meiri spenna er á botninum. ÍBV og Stjarnan hafa 10 stig hvort í sjötta og sjöunda sæti. Grótta er neðst með átta stig. Ekki er hægt að útiloka að þrjú neðstu liðin endi jöfn að stigum.
- ÍBV stendur betur að vígi gegn Stjörnunni, hefur unnið Stjörnuna tvisvar (25:22, 22:23, 24:18).
- Stjarnan vann Gróttu tvisvar í vetur en tapaði einu sinni (24:22, 31:22, 21:30).
- Grótta vann ÍBV einu sinni í vetur, ÍBV vann einn leik og einu sinni lauk leik liðanna með jafntefli. Grótta er með 10 marka forskot á ÍBV samanlagt í leikjum liðanna í vetur (21:23, 31:19, 22:22).
- Neðsta lið Olísdeildar fellur í Grill 66-deild.
- Næst neðsta liðið tekur þátt í umspili Olísdeildar og mætir Víkingi í undanúrslitum.
Leikir kvöldsins verða sendir úr á Handboltapassanum.
Leikir kvöldsins
Olísdeild kvenna, 21. og síðasta umferð:
Vestmannaeyjar: ÍBV – Haukar, kl. 19.30.
Skógarsel: ÍR – Grótta, kl. 19.30.
Sethöllin: Selfoss – Fram, kl. 19.30.
N1-höllin: Valur – Stjarnan, kl. 19.30.
Staðan í Olísdeild kvenna.
