„Það var svolítið skrýtið að mæta í leikinn vitandi það að við værum orðnar deildarmeistarar en á sama tíma þurftum við að ljúka leiknum faglega,“ sagði Hafdís Renötudóttir markvörður deildarmeistara Val í samtali við handbolta.is í gær eftir hún og samherjar höfðu tekið við sigurlaunum sínum fyrir að vinna Olísdeildina á leiktíðinni að loknum sigurleik á Stjörnunni í lokaumerðinni. Valur tryggði sér deildarmeistatitilinn fyrir viku en fékk sigurlaunin afhent í gær.
Fremst markvarða
„Sigurinn í deildarkeppninni er alltaf stórlega vanmetin. Hann er afrakstur tímabilsins,“ sagði Hafdís ennfremur en hún var fremst markvarða í Olísdeildinni í vetur með 41,5% hlutfallsmarkvörslu samkvæmt samatekt HBStatz.
„Það var fyrst og fremst að glæsilegt að klára þennan leik eftir stóran leik í Evrópukeppninni á sunnudaginn,“ bætti Hafdís við en hún átti stóran þátt í stórsigri Vals, 30:20, á MSK IUVENTA Michalovce í undanúrslitum Evrópubikarkeppninni. Sigri sem tryggði Val sæti úrslitaleikjunum sem fram fara í næsta mánuði.
„Það var mikið spennufall eftir leikinn á sunnudaginn. Við megum ekki dvelja of lengi við það,“ segir Hafdís sem mun hafa í mörg markhorn að líta á næstunni.
Framundan er umspilsleikir um HM-sæti hjá landsliðinu í næstu viku og eftir það tekur við úrslitakeppnin og úrslitaleikir Evrópubikarkeppninnar.
Lengra viðtal við Hafdísi er í myndskeiði hér fyrir ofan.
Styttist í að umspil Olísdeildar kvenna hefjist
Grótta féll – Stjarnan í umspil – ÍBV í 6. sæti – Valur deildarmeistari
