Nýliðar Olísdeildar karla í handknattleik á næsta keppnistímabili, Þór Akureyri, halda áfram að styrkja sveit sína fyrir átökin sem bíða þeirra. Bæðurnir Hákon Ingi og Hafþór Ingi Halldórssynir skrifuðu í dag undir samninga við handknattleiksdeild Þórs.
Báðir þekkja þeir vel til í herbúðum Þórs enda uppaldir hjá félaginu að hluta til. Hákon og Halldór hafa búið í útlöndum síðustu ár en ákveða nú að flytja heim og styrkja Þórsliðið sem vann Grill 66-deildina á dögunum.
Hákon er hægri hornamaður og kemur heim frá Slóvakíu eftir þriggja ára dvöl. Í Slóvakíu lék hann með MHáK Martin samhliða námi. Hákon var m.a. í sigurliði MHáK Martin í næst efstu deild en var einnig með liðinu í efstu deild í tvö tímabil. Hákon mun vera næst markahæsti leikmaður næsta efstu deildar um þessar mundir með 150 mörk.
Hafþór er einnig uppalinn Þórsari sem leikur sem hægri skytta en hann hefur síðustu ár spilað í neðri deildum Danmerkur meðfram dýralæknanámi.
