Valur leikur fimmta árið í röð til úrslita um Íslandsmeistaratitilinn í handknattleik kvenna. Valur vann ÍR í þriðja sinn í undanúrslitum í kvöld, 31:23, og mætir annað hvort Fram eða Haukum í úrslitarimmu um Íslandsmeistaratitilinn. Ráðgert er að fyrsta viðureignin fari fram 20. maí.
Eftir tvo stórsigra Vals í röð var minni munur á liðunum þegar þau mættust í N1-höllinni á Hlíðarenda í síðdegis. Einvörðungu var þriggja marka munuri í hálfleik, 15:12. Forskot Vals jókst til muna í síðari hálfleik.
Þar með fer ÍR í sumarleyfi reynslunni ríkara eftir að hafa komist í undanúrslit í fyrsta sinn.
Valur á hinn bóginn getur farið að búa sig undir úrslitaleik í Evrópubikarkeppninni sem fram fer eftir viku.
Mörk Vals: Lovísa Thompson 7/1, Elísa Elíasdóttir 6, Thea Imani Sturludóttir 5, Þórey Anna Ásgeirsdóttir 4/3, Elín Rósa Magnúsdóttir 4, Hildigunnur Einarsdóttir 2, Sigríður Hauksdóttir 2, Guðrún Hekla Traustadóttir 1.
Varin skot: Hafdís Renötudóttir 13/1, 37,1% – Silja Arngrímsdóttir Müller 2, 66,7%.
Mörk ÍR: Sylvía Sigríður Jónsdóttir 6/1, Sara Dögg Hjaltadóttir 6/2, Ásthildur Bertha Bjarkadóttir 3, Matthildur Lilja Jónsdóttir 3, Katrín Tinna Jensdóttir 2, Vaka Líf Kristinsdóttir 1, Anna María Aðalsteinsdóttir 1, Erla María Magnúsdóttir 1.
Varin skot: Ingunn María Brynjarsdóttir 9, 23,1% – Natalía Nótt Kaaber 0.
Tölfræði leiksins hjá HBStatz.
Olís kvenna: Leikjadagskrá, úrslitakeppni 2025
