Eyjamaðurin Elliði Snær Viðarsson skoraði þrjú mörk þegar Gummersbach, undir stjórn Guðjóns Vals Sigurðssonar, tapaði fyrir Melsungen í æfingaleik, 30:25. Guðmundur Þórður Guðmundsson þjálfar Melsungen. Arnar Freyr Arnarsson lék með Melsungen en náði ekki að skora mark.
Danski hornamaðurinn Anders Eggert hefur lýst því yfir að hann ætli að hætta keppni næsta vor. Eggert er 38 ára gamall og hefur síðustu þrjú ár leikið með Skjern í heimalandi sínu. Áður var hann m.a. leikmaður Flensburg í Þýskalandi í áratug. Nokkuð er síðan Eggert hætti að leika með danska landsliðinu en hann á að baki 160 landsleiki sem hann skoraði 581 mark í. Eggert var í gullliði Dana á EM 2012 og í silfurliðinu á HM 2011 og 2013. Þá vann hann Meistaradeild Evrópu með Flensburg 2014.
Fyrrverandi landsliðsmaður Spánar, Antonio García, yfirgaf Nantes í Frakklandi í sumar og gekk til liðs við Granolles í heimalandi sínu.
Tékkneska varnartröllið Pavel Horak framlengdi í sumar samning sinn við þýska meistaraliðið THW Kiel til eins árs.
