Ísfirðingurinn Jón Ómar Gíslason hefur gengið til lið við Hauka eftir tveggja ára veru hjá Gróttu. Undanfarin tvö ár hefur Jón Ómar leikið með Gróttu og skoraði m.a. 159 mörk í 22 leikjum Olísdeilar í vetur. Hann var markahæsti leikmaður Gróttu og varð í fimmti markahæsti leikmaður deildarinnar.
Jón Ómar er fæddur árið 2000 og er uppalinn hjá Herði á Ísafirði. Hann lék fyrst í efstu deild með Herði tímabilið 2022/2023 en gekk til liðs við Gróttu þegar Hörður féll úr Olísdeildinni vorið 2023.
Jón Ómar er línumaður og traust vítaskytta ásamt því að vera harður í horn að taka í vörninni þar sem hann spilar oftast í hjarta varnarinnar.
Jón Ómar er fyrsti leikmaðurinn sem gengur til liðs við Hauka eftir að Gunnar Magnússon tók við þjálfun liðsins af Ásgeiri Erni Hallgrímssyni.
Bjarni Gunnar verður Gunnari til halds og trausts
