Forráðamenn austurríska handknattleiksliðsins Alpla Hard ætlar að berjast gegn löngu keppnisbanni sem Ivan Horvat leikmaður liðsins var dæmdur í á dögunum upp á liðlega 26 mánuði, út leiktíðina 2027. Horvat sló leikmann Bregenz harkalega á nefið í viðureign liðanna svo úr varð opið nefbeinsbrot.
Rúmlega tveggja ára keppnisbann er óþekkt í handknattleik nema þá helst vegna notkunar ólöglegra lyfja. Hafa margir innan handknattleikhreyfingarinnar í Evrópu lýst yfir undrun á þessu langa banni.
Sjá einnig: Liðsmaður Hannesar dæmdur í tveggja ára bann fyrir nefbrot
Alpla Hard hefur ákveðið að afrýja dómnum og berjast af festu í málinu svo dómurinn verður mildaður. SportBild í Þýskalandi hefur eftir lögmanni að allt umfram sex mánaða bann sé út í bláinn.
„Félagið ætlar að styðja Ivan Horvat fullkomlega ekki aðeins með hagsmuni hans í huga heldur einnig handboltans vegna,“ segir m.a. í tilkynningu Alpla Hard.
Horvat hefur margoft beðist afsökunnar á opinberum vettvangi og segist miður sín yfir afleiðingum þess fyrir leikmann Bregenz.
