Viktor Gísli Hallgrímsson markvörður var frábær í marki íslenska landsliðsins í gær í 12 marka sigri á Georgíu í síðustu umferð undankeppni Evrópumótsins í Laugardalshöll, 33:21.
Viktor Gísli varð 16 skot á þeim 48 mínútum sem hann var í markinu í leiknum, 51,6% hlutfallsmarkvarsla. Fylgdi hann eftir magnaðri frammistöðu sinni á HM í janúar þegar hver stórleikurinn rak annan.
Á heildina litið hefur keppnistímabilið vaflaust verið það besta hjá Viktori Gísla síðan hann fór í atvinnumennsku fyrir sex árum og skal fáa undra þótt hann hafi þráfaldlega verið orðaður við Evrópumeistara Barcelona. Viktor Gísli leikur nú með pólsku meisturunum Wisla Plock.
Hafliði Breiðfjörð ljósmyndari var í Laugardalshöll í gær og náði myndum á linsu sína af Viktori Gísla eins og öðrum sem á leikvellinum voru.
Hér fyrir neðan eru nokkrar myndir af Viktori úr leiknum.
Hér er myndskeið af magnaðri markvörslu Viktors Gísla í síðari hálfleik:
