„Þetta er hreint ótrúlegt og alveg ólýsanlegt,“ sagði hin þrautreynda Hildigunnur Einarsdóttir leikmaður Vals eftir að hún varð Evrópubikarmeistari með Val í dag í sínum síðasta Evrópuleik en hún ætlar að láta gott heita á handboltavellinum.
Hildigunnur var skiljanlega meir meðan hún talaði við handbolta.is rétt eftir að flautað var til leiksloka og rétt áður en hún tók við verðlaunum sínum með liðsfélögum sínum.
„Ég vaknaði í morgun og sagði að við verðum Evrópubikarmeistarar. Ég var alveg viss. Við urðum það svo sannarlega. Nú verður pottþétt fagnað,“ sagði Hildigunnur og var þar með rokin í verðlaunaafhendingu.
Valur vann BM Porrino, 25:24, í síðar úrslitaleiknum að viðstöddum vel á annað þúsund áhorfendum í N1-höllinni á Hlíðarenda. Hildigunnur og félagar urðu fyrsta íslenska kvennaliðið sem vinnur Evrópubikar félagsliða.
Evrópubikarkeppni kvenna – fréttasíða.
