- Auglýsing -
Leikstjórnandinn Einar Örn Sindrason hefur framlengt samning sinn við handknattleiksdeild FH til eins árs. Einar Örn hefur alla tíð leikið fyrir FH en hann lék sína fyrstu meistaraflokksleiki árið 2017 og hefur alls tekið þátt í 258 leikjum fyrir félagið, þar af 27 Evrópuleikjum.
Einar Örn skoraði 25 mörk í Olísdeildinni í vetur þegar FH varð deildarmeistari. Einnig skoraði hann 10 mörk í leikjum FH í úrslitakeppninni.
„Einar Örn er í dag einn reynslumesti leikmaður FH-liðsins þrátt fyrir að vera ennþá ungur að árum. Við búumst við miklu af Einari Erni á næsta tímabili og vonum að hann stígi enn frekar upp í leiðtogahlutverk hjá félaginu,” er haft eftir Ágústi Bjarna Garðarssyni formanni handknattleiksdeildar FH í tilkynningu.
- Auglýsing -
