Mariam Eradze tók þátt í sínum fyrsta kappaleik með Val í gærkvöldi síðan hún sleit krossband á æfingamóti á Selfossi í ágúst 2023. Mariam lék síðustu mínúturnar í annarri viðureign Hauka og Vals í úrslitakeppninni um Íslandsmeistaratitilinn á Ásvöllum.
Eftir að hafa gengið í gegnum endurhæfingu eftir krossbandaslitin varð Mariam að fara í aðra og minni aðgerði á hné undir lok síðasta árs. Í lok febrúar sagðist Mariam stefna á að ná leik með Val fyrir lok tímabilsins. Það hefur henni nú tekist.
Mariam gekk til liðs við Val fyrir fimm árum eftir að hafa farið ung frá Fram til franska liðsins Toulon Saint-Cyr og lék rúmlega 100 leiki með liðinu. Hún var í stóru hlutverki hjá meistaraliði Vals eftir heimkomuna og þangað til hún meiddist.
Mariam er samningsbundin Val til ársins 2027.
Endurkoman hefur dregist hjá Mariam – fór í aðra aðgerð fyrir áramót
