Einn kemur þá annar fer

Handknattleiksdeild Gróttu hefur samið við Japanann Akimasa Abe um að leika með liðinu á næstu leiktíð. Abe er 24 ára gamall og kemur frá félaginu Wakunaga Leolic í Japan. Hann er 185 cm á hæð og er rétthent skytta.

Grótta var með Saturo Goto á láni í fyrra en hann kom einmitt frá sama félagi, Wakunaga Leolic. Það er ánægjulegt að gott samstarf Gróttu og Wakunaga haldi áfram, segir í tilkynningu frá Gróttu.

„Við bindum vonir við að Abe muni styrkja leikmannahópinn okkar í vetur og smellipassi inn í æfingakúltúrinn okkar. Saturo Goto hafði góð áhrif á Gróttuliðið í fyrra og við vonum að sama verði uppi á teningnum með Abe,“ sagði Arnar Daði Arnarsson þjálfari Gróttu þegar samningurinn var í höfn.