- Auglýsing -
Leikmenn Ribe-Esbjerg gátu loks fagnað sigri í dönsku úrvalsdeildinni í kvöld þegar þeir lögðu leikmenn Lemvig, 33:30, á útivelli í fjórðu umferð deildarinnar. Lemvig var marki yfir að loknum fyrri hálfleik, 16:15, en Ribe-Esbjerg tókst að snúa við taflinu í síðari hálfleik.
Rúnar Kárason skorað fjögur mörk í níu skotum fyrir Ribe-Esbjerg og átti einnig fimm stoðsendingar. Gunnar Steinn Jónsson skoraði eitt mark í þremur skotum og átti eina stoðsendingu. Daníel Þór Ingason náði ekki að skora en var aðsópsmikill í vörninni og var tvisvar sendur í tveggja mínútna kælingu.
- Auglýsing -
