Á morgun, laugardag, verður leikið til undanúrslita í Meistaradeild Evrópu í handknattleik karla í Lanxess-Arena í Köln. Klukkan 13 mætast Þýskalandsmeistarar Füchse Berlin og Nantes frá Frakklandi og klukkan 16 eigast við þýska liðið SC Magdeburg og Spánarmeistarar Barcelona sem unnu Meistaradeildina á síðasta ári og hafa oftast staðið uppi sem sigurvegarar.
Sigurlið undanúrslita mætast í úrslitum á sunnudaginn klukkan 16 en tapliðin keppa um bronsverðlaun klukkan 13 sama dag.
Hér fyrir neðan eru helstu afrek Íslendinga rakin í Evrópukeppni meistaraliða og síðar Meistaradeild Evrópu frá 1980 til dagsins í dag.
1980: Valur lék til úrslita við Grosswallstadt í Evrópukeppni meistaraliða og tapaði, 21:12. Vann Atléticio Madrid í undanúrslitum. Þjálfari Vals var Hilmar Björnsson.
1988: Alfreð Gíslason lék með Tusem Essen í úrslitaleikjum en tapaði fyrir CSKA Moskvu. Þjálfari Essen var Jóhann Ingi Gunnarsson.
2002: Magdeburg (1. sæti eftir tvo úrslitaleiki við Veszprém) – Alfreð Gíslason þjálfari, Ólafur Stefánsson var leikmaður.
2005: Ciudad Real (1. sæti): Ólafur Stefánsson leikmaður.
2008: Ciudad Real (1. sæti): Ólafur Stefánsson leikmaður.
2009: Ciudad Real (1. sæti): Ólafur Stefánsson leikmaður.
Eftir að úrslitahelgin (final4) var tekin upp:
2010: Kiel (1. sæti): Alfreð Gíslason, þjálfari, Aron Pálmarsson, leikmaður
2011: Rhein-Neckar Löwen (4. sæti): Guðmundur Þórður Guðmundsson þjálfari, Guðjón Valur Sigurðsson, Ólafur Stefánsson og Róbert Gunnarsson, leikmenn.
2012: Kiel (1. sæti): Alfreð Gíslason, þjálfari, Aron Pálmarsson, leikmaður.
AG Köbenhavn (3. sæti): Arnór Atlason, Guðjón Valur Sigurðsson, Snorri Steinn Guðjónsson og Ólafur Stefánsson, leikmenn.
Füchse Berlin (4. sæti): Dagur Sigurðsson, þjálfari.
2013: Vive Kielce (3. sæti): Þórir Ólafsson, leikmaður.
Kiel (4. sæti) : Alfreð Gíslason, þjálfari, Aron Pálmarsson og Guðjón Valur Sigurðsson, leikmenn.
Anton Gylfi Pálsson og Hlynur Leifsson dæmdu fyrri undanúrslitaleikinn á laugardag.
2014: Flensburg (1. sæti): Ólafur Gústafsson, leikmaður.
Kiel (2. sæti): Alfreð Gíslason, þjálfari, Aron Pálmarsson og Guðjón Valur Sigurðsson, leikmenn. Aron var valinn mikilvægasti leikmaður úrslitahelgarinnar, MVP.
2015: Barcelona (1. sæti): Guðjón Valur Sigurðsson.
Kiel (4. sæti): Alfreð Gíslason, þjálfari, Aron Pálmarsson, leikmaður.
2016: Veszprém (2. sæti): Aron Pálmarsson, leikmaður. Hann var valinn mikilvægasti leikmaður úrslitahelgarinnar, MVP.
PSG (3. sæti): Róbert Gunnarsson, leikmaður.
Kiel (4. sæti): Alfreð Gíslason, þjálfari.
Anton Gylfi Pálsson og Jónas Elíasson dæmdu leikinn um 3. sætið.
2017: Veszprém (3. sæti): Aron Pálmarsson, leikmaður.
2018: Anton Gylfi Pálsson og Jónas Elíasson dæmdu síðari undanúrslitaleikinn.
2019: Barcelona (3. sæti): Aron Pálmarsson, leikmaður.
2020: Barcelona (2. sæti): Aron Pálmarsson, leikmaður.
2021: Barcelona (1. sæti): Aron Pálmarsson, leikmaður.
Aalborg Håndbold (2. sæti): Arnór Atlason, aðstoðarþjálfari.
2022: Vive Kielce (2. sæti): Haukur Þrastarson, leikmaður. Tók þátt í undanúrslitaleiknum en settur út fyrir úrslitaleikinn. Sigvaldi Björn Guðjónsson lék ekki með Kielce vegna meiðsla.
2023: SC Magdeburg (1.sæti): Gísli Þorgeir Kristjánsson lék með í undanúrslitum gegn Barcelona. Hann fór úr axlarlið en lék óvænt með í úrslitaleiknum daginn eftir og fór á kostum. Var valinn besti leikmaður úrslitahelgarinnar. MVP. Ómar Ingi Magnússon var ekki með vegna meiðsla en tók við gullverðlaunum enda lék hann helming tímabilsins.
2023: Kielce (2. sæti), lið Hauks Þrastarsonar. Haukur var ekki með vegna meiðsla.
2023: Anton Gylfi Pálsson og Jónas Elíasson dæmdu síðari undanúrslitaleikinn.
2024: SC Magdeburg (4. sæti): Gísli Þorgeir Kristjánsson, Janus Daði Smárason og Ómar Ingi Magnússon léku með SC Magdeburg sem tapaði fyrir Aalborg Håndbold í undanúrslitum, 28:26. Einnig tapaði Magdeburg fyrir THW Kiel í leiknum um þriðja sætið, 32:28, eftir afleitan fyrri hálfleik, staðan var 23:14.
2025: Anton Gylfi Pálsson og Jónas Elíasson dæma undanúrslitaleik Füchse Berlin og Nantes.
2025: Ómar Ingi Magnússon leikur með Magdeburg í undanúrslitum gegn Barcelona. Gísli Þorgeir Kristjánsson er meiddur á öxl og ekki annað vitað en hann taki ekki þátt í leiknum.
