- Auglýsing -
Arna Sól Orradóttir hefur skrifað undir samning við handknattleiksdeild Aftureldingar um að leika með liðinu næstu tímabil en Afturelding er í Grill 66-deildinni. Arna er línumaður sem kemur til Aftureldingar frá Víking/Berserkjum. Hún skoraði 33 mörk í 16 leikjum með Berserkjum í Grill 66-deildinni á síðustu leiktíð.
Afturelding tapaði fyrir Stjörnunni í úrslitum umspils Olísdeildar kvenna í vor eftir að hafa hafnaði í 3. sæti deildarinnar og unnið HK í undanúrslitum umspilsins.
„Við hlökkum gríðarlega til þess að sjá hana í Aftureldingar treyjunni næstu tímabil. Bjóðum hana hjartanlega velkomna í Pizzabæ!,“ segir í tilkynningu Aftureldingar í kvöld.
Konur – helstu félagaskipti 2025
- Auglýsing -
