- Auglýsing -
Danski handknattleiksmaðurinn Oscar Lykke hefur skrifað undir samning við Aftureldingu. Lykke er 19 ára danskur leikmaður sem kemur til Aftureldingar frá TMS Ringsted í dönsku úrvalsdeildinni. Lykke getur spilað sem bæði vinstri skytta og miðjumaður.
„Það er ánægjulegt að fá Oscar Lykke til liðs við okkur. Hann er ungur og efnilegur leikmaður sem vildi koma til Íslands og við erum spenntir fyrir því að fara að vinna með hann og hjálpa honum að verða betri leikmaður.
Oscar steig sín fyrstu skref í meistaraflokki með Ringsted í vetur og hefur annars verið öflugur leikmaður í sínum aldursflokki,” er haft eftir Stefáni Árnasyni þjálfara Aftureldingar í tilkynningu í morgun.
Karlar – helstu félagaskipti 2025
- Auglýsing -
