Landsliðsmaðurinn Haukur Þrastarson er mættur til Þýskalands og er byrjaður að æfa með Rehin-Neckar Löwen. Haukur gekk til liðs við Rhein-Neckar Löwen í sumar eftir eins árs veru hjá rúmenska meistaraliðinu Dinmao í Búkarest. Áður hafði Selfyssingurinn verið í fjögur ár hjá pólska liðinu Indurstria Kielce.
Haukur, sem fór frá uppeldisfélagi sínu Selfoss 2020, hefur þar með í fyrsta sinn tekið slaginn í þýsku 1. deildinni. Töluverðar breytingar hafa orðið á leikmannahópi Rhein-Neckar Löwen.
Átta leikmenn, að Hauki meðtöldum, hafa bæst í hópinn auk þess sem nýr þjálfari, Maik Machulla, hefur tekið við. Machulla mætir endurnærður til leiks eftir að hafa verið í fríi síðan honum var sagt upp hjá Aalborg Håndbold í upphafi síðasta vetrar.
Nýju nöfnin
Nýir leikmenn Rhein-Neckar Löwen eru auk Hauks: Gino Steenaerts (HC Kriens-Luzern), Dani Baijens (Paris Saint-Germain), Edwin Aspenbäck (TTH Holstebro), Lukas Sandell (One Veszprém/Hungary), Mathias Larson (Elverum), Robert Timmermeister (var í láni hjá HBW Balingen-Weilstetten) og Mike Jensen markvörður sem kom í skiptum fyrir Mikael Appelgren.
