Ágúst er ekki af baki dottinn – bætir við ári

Ágúst Birgisson er síður en svo á þeim buxunum að leggja keppnisskóna á hillina. Tilkynnt var í kvöld að hann hafi skrifað undir eins árs samning við FH. Á næsta ári verður liðinn áratugur síðan Ágúst gekk til liðs við Hafnarfjarðarliðið eftir nokkurra ára veru hjá Aftureldingu.

Ágúst hefur verið fyrirliði og einn traustasti leikmaður FH um árabil, jafnt í vörn sem sókn þótt hlutverk hans hafi meira verið í vörninni hin allra síðustu ár.

Ágúst hefur leikið leikið á fjórða hundrað leiki fyrir FH og varð Íslandsmeistari 2024 og bikarmeistari 2019. Til viðbótar hefur Ágúst tvívegis verið kjörinn handknattleiksmaður FH, árin 2017 og 2021.