- Auglýsing -
- Íslendingarnir þrír hjá Evrópumeisturum SC Magdeburg skoruðu samanlagt 15 mörk í sex marka sigri liðsins á Lemgo, 34:28, í fyrstu umferð hins árlega Wartburg Cup-móts sem Eisenach stendur fyrir. Ómar Ingi Magnússon skoraði sjö mörk, Elvar Örn Jónsson og Gísli Þorgeir Kristjánsson skoruðu fjögur mörk hvor. Magdeburg mætir Eisenach í dag.
- Kristján Örn Kristjánsson, Donni, skoraði fjögur mörk fyrir Skanderborg AGF er liðið lagði Eisenach á Wartburg Cup í gær, 29:25. Donni og félagar mæta Lemgo í dag.
- Díana Dögg Magnúsdóttir skoraði þrjú mörk og Andrea Jacobsen og Elín Rósa Magnúsdóttir tvö mörk hvor þegar lið þeirra Blomberg-Lippe vann Bensheim/Auerbach, 31:19, Nelken-Cup í Þýskalandi í gær. Blomberg-Lippe mætir Dortmund á mótinu í dag.
- Eftir viku eigast Blomberg-Lippe og Thüringer HC við í meistarakeppninni í Þýskalandi. Leikurinn fer fram í SAP Garden í Ólymmpíugarðinum í München. Sama dag mætast Füchse Berlin og THW Kiel í karlaflokki.
- Bjarki Már Elísson skoraði þrjú mörk í gær þegar One Veszprém lagði egysku meistarana Al Ahly, 28:27, í annarri umferð æfingamóts í Bosníu í gær. One Veszprém mætir Gummersabach á mótin í dag.
- Haukur Þrastarson skoraði þrjú mörk þegar lið hans Rhein–Neckar Löwen vann nýliða frönsku 1. deildarinnar, Selestat, 33:20, í æfingaleik.
- Benedikt Gunnar Óskarsson skoraði eitt mark þegar Kolstad tapaði fyrir danska liðinu GOG, 32:25, í æfingaleik. Arnór Snær Óskarsson var ekki á meðal þeirra sem skoruðu mark fyrir Kolstad. Sigvaldi Björn Guðjónsson lék ekki með liðinu. Hann verður heldur ekki með Kolstad í dag í æfingaleik við Elverum.
- Auglýsing -
