- Auglýsing -

Landsliðskvennatríóið vann æfingamót

- Auglýsing -


Blomberg-Lippe, sem landsliðskvennatríóið Andrea Jacobsen, Díana Dögg Magnúsdóttir og Elín Rósa Magnúsdóttir leika með, vann Dortmund, 32:28, í lokaumferð Nelken-Cup æfingamótsins í Þýskalandi í gær. Þar með vann Blomberg-Lippe mótið, lagði alla andstæðinga sína á sannfærandi hátt.

Díana Dögg skoraði eitt mark í gær en Andrea og Elín Rósa skoruðu ekki. Sú síðarnefnda stjórnaði sóknarleik liðsins af röggsemi.

Meiddist á hné

Díana Dögg meiddist á hné undir lok leiksins og var aðstoðuð af leikvelli. Ekki er ljóst hvort meiðslin eru alvarleg en á mynd af liðinu sem tekin var í leikslok er Díana Dögg með umbúðir á vinstra hné.

Meistarakeppnin í München

Næsta laugardag mætast Blomberg-Lippe og Thüringer HC í meistarakeppninni í Þýskalandi. Leikurinn fer fram í SAP Garden á Ólympíusvæðinu í München. Sama dag mætast Füchse Berlin og THW Kiel í karlaflokki. Mikið verður um dýrðir enda í fyrsta sinn sem leikir meistarakeppninnar í Þýskalandi fara fram sama dag á sama leikstað. SAP Garden rúmar 12.500 áhorfendur.

- Auglýsing -
- Auglýsing -
- Auglýsing -
- Auglýsing -
- Auglýsing -
- Auglýsing -