Selfoss mætir ÍBV í úrslitaleik á Ragnarsmóti kvenna í handknattleik í Sethöllinni á Selfossi á laugardaginn klukkan 13. Það varð ljóst eftir að Selfoss lagði Víking í hörkuleik, 30:28, í annarri umferð mótsins í kvöld. Selfoss og ÍBV hafa unnið leiki sína á mótinu til þessa.
Staðan var jöfn að loknum fyrri hálfleik, 14:14, eftir að Víkingsliðið hafði haft yfirhöndina frá upphafi. Selfossi tókst að skora þrjú af síðustu fjórum mörkunum áður en leiktíminn var úti.
Fjótlega í síðari hálfleik komast Selfoss yfir og hafði um skeið fjögurra marka forskot. Víkingsliðið var ekki á því að leggja árar í bát og sótti hart að heimaliðinu en vantaði herslumun upp á að jafna metin. Hildur Guðjónsdóttir, sem kom til Víkings frá FH í sumar, minnkað muninn í eitt mark, 25:24, átta mínútum fyrir leikslok. Nær komust leikmenn Víkings ekki.
Mörk Selfoss: Arna Kristín Einarsdóttir 7, Eva Lind Tyrfingsdóttir 4 Sara Dröfn Rikharðsdóttir 4, Hulda Dís Þrastardóttir 3, Ída Bjarklind Magnúsdóttir 3, Mia Kristin Syverud 3, Sylvía Bjarnadóttir 2, Adela Eyrún Jóhannsdóttir 1, Emelía Ósk Aðalsteinsdóttir 1, Inga Sól Björnsdóttir 1, Hulda Hrönn Bragadóttir 1.
Varin skot: Ágústa Tanja Jóhannsdóttir 9, Sara Xiao Reykdal 3.
Mörk Víkings: Auður Brynja Sölvadóttir 7, Hildur Guðjónsdóttir 6, Valgerður Elín Snorradóttir 6, Sara Björg Davíðsdóttir 4, Mattý Rós Birgisdóttir 3, Arnbjörg Bertha Kristjánsdóttir 1, Sunna Katrín Hreinsdóttir 1.
Varin skot: Þyri Erla L Sigurðardóttir 11.
