Aldís Ásta og Lena Margrét eru í góðum málum í bikarnum

Sænsku meistararnir Skara HF eru í afar vænlegri stöðu eftir 14 marka sigur á Lugi HF, 35:21, í fyrri viðureign liðanna í 16-liða úrslitum sænsku bikarkeppninnar í handknattleik kvenna í kvöld. Síðari viðureign liðanna fer fram í Skara á miðvikudaginn eftir rúma viku.

Aldís Ásta Heimisdóttir var næst markahæst hjá Skara-liðinu. Hún skoraði sex mörk. Lena Margrét Valdimarsdóttir skoraði tvívegis. Tíu leikmenn Skara HF skoruðu í leiknum.

Lugi HF, sem leikur í næst efstu deild um þessar mundir, átti aldrei möguleika gegn meisturunum að þessu sinni. Staðan var 19:10 þegar fyrri hálfleikur var að baki.