Afturelding vann óvæntan og verðskuldaðan sigur á Haukum, 28:27, á Ásvöllum í kvöld í fyrstu umferð Olísdeildar karla í handknattleik eftir að hafa verið fjórum mörkum yfir í hálfleik, 15:11. Haukar voru hársbreidd frá því að jafna metin á síðustu sekúndu en vantaði eina eða tvær sekúndur upp á að mark Þráins Orra Jónssonar í síðasta upphlaupinu fengið að standa ellegar að hann fengi vítakast fyrir að Árni Bragi Eyjólfsson varði innan teigs.
Þvert á spár þá voru það Aftureldingarmenn sem voru með yfirhöndina, tögl og hagldir lengst af í viðureigninni á Ásvöllum í kvöld. Ekki lifnaði verulega yfir Haukum fyrr en á lokasprettinum. Þá aðeins og seint.
Aftureldingarliðið var manni færri síðustu 90 sekúndur leiksins eftir að Kristjáni Ottó Hjálmarssyni var vikið af leikvelli.
Þorvaldur Tryggvason náði að skora 28. og dýrmætasta mark Aftureldingar 30 sekúndum fyrir leikslok, 26:28. Skarphéðinn Ívar Einarsson minnkaði munin um hæl fyrir Hauka. Mosfellingar hófu sókn í nokkrar sekúndur áður en Stefán Árnason þjálfari tók leikhlé. Eftir leikhléið fékk Leó Halldórsson færi á innsigla sigurinn en Aron Rafn Eðvarðsson, sem tók skóna ofan úr hillu fyrir leikinn, varði. Leikmen Hauka brunuðu fram en tíminn sem eftir var nægði þeim ekki til þess að jafna metin.
Mörk Hauka: Freyr Aronsson 8/2, Birkir Snær Steinsson 4, Skarphéðinn Ívar Einarsson 4, Sigurður Snær Sigurjónsson 4, Andri Fannar Elísson 2, Adam Haukur Baumruk 2, Þráinn Orri Jónsson 1, Ólafur Ægir Ólafsson 1, Össur Haraldsson 1.
Varin skot: Aron Rafn Eðvarðsson 6, 31,6% – Magnús Gunnar Karlsson 4, 21,1%.
Mörk Aftureldingar: Árni Bragi Eyjólfsson 10/3, Oscar Lykke 5, Kristján Ottó Hjálmsson 4, Haukur Guðmundsson 3, Ágúst Ingi Óskarsson 3, Ævar Smári Gunnarsson 2, Þorvaldur Tryggvason 1.
Varin skot: Einar Baldvin Baldvinsson 12, 30,8%.
Tölfræði leiksins hjá HBStatz.
Staðan og næstu leikir í Olísdeildum.
