Sandra Erlingsdóttir fór á kostum í fyrsta leik sínum með ÍBV í Olísdeild kvenna í rúm sjö ár þegar ÍBV vann Fram, 35:30, í íþróttamiðstöðinni í Vestmannaeyjum í dag. Sandra skoraði 13 mörk í 14 skotum og var með 11 sköpuð færi. Hún var sannarlega allt í öllu í skemmtilegu Eyjaliði sem virðist til alls líklegt á keppnistímabilinu.
Sandra gekk til liðs við ÍBV í sumar eftir fimm ára veru í Þýskalandi og Danmörku auk tveggja ára með Val. Ekki aðeins lék hún vel heldur smitaði út í aðra samherja sína sem blómstruðu í skemmtilegum leik. Slíka töfra hafa afburða leikmenn.
Ferskur blær er yfir ÍBV-liðinu um þessar mundir undir stjórn Magnúsar Stefánssonar.
Amalie Frøland, nýr markvörður ÍBV, var einnig afar góð þótt því miður hafi ekki tekist að telja varin skot hjá henni í tölfræði HBStatz að þessu sinni.
Fram-liðið hefur einnig gengið í gegnum töluverðar breytingar fyrir leiktíðina. Öflugir og reyndir leikmenn lögðu skóna á hilluna auk þess a.m.k. ein er í fæðingarorlofi. Nýr þjálfari, Haraldur Þorvarðarson, er er tekinn við. Víst er að hann þar aðeins meiri tíma til þess að stilla saman strengina með nærri því nýtt lið í höndunum.
Mörk ÍBV: Sandra Erlingsdóttir 13/5, Birna Berg Haraldsdóttir 9, Amelía Dís Einarsdóttir 4, Alexandra Ósk Viktorsdóttir 4, Klara Káradóttir 2, Britney Cots 1, Ásdís Halla Hjarðar 1, Lilja Kristín Svansdóttir 1 – hennar fyrsta mark í Olísdeildinni.
Varin skot: Amalie Frøland – ekki gefið upp á HBStatz.
Mörk Fram: Alfa Brá Oddsdóttir Hagalín 7, Hulda Dagsdóttir 7/4, Sóldís Rós Ragnarsdóttir 3, Ásdís Guðmundsdóttir 3, Valgerður Arnalds 3, Katrín Anna Ásmundsdóttir 2/1, Harpa María Friðgeirsdóttir 2, Dagmar Guðrún Pálsdóttir 1, Hildur Lilja Jónsdóttir 1, Kristrún Steinþórsdóttir 1.
Varin skot: Ethel Gyða Bjarnasen 10, 25,6% – Arna Sif Jónsdóttir 0.
