„Fyrri hálfleikur var virkilega góður hjá okkur. Við mættum klárir til leiks og svöruðum mjög vel fyrir síðasta leik,“ sagði Sigursteinn Arndal þjálfari FH eftir sigur á Val, 32:27, í N1-höllinni á Hlíðarenda í kvöld í 2. umferð Olísdeildar karla í handknattleik.
FH-ingar fóru á kostum í fyrri hálfleik, jafnt í sókn sem vörn með Jón Þórarinn Þorsteinsson í þrumustuði í markinu. Staðan í hálfleik var 18:12 FH í vil. Eftir fimm mínútur í síðari hálfleik var forskot FH komið upp í 10 mörk og búið að slá öll vopn úr höndum Valsmanna.
„Við vissum að það kæmi áhlaup frá Valsmönnum og það var markmið okkar að vera klárir í það,“ sagði Sigursteinn ennfremur.
Lengra viðtal er við Sigurstein í myndskeiði hér fyrir neðan.
Tölfræði leiksins hjá HBStatz.
Staðan og næstu leikir í Olísdeildum.
