Aftureldingarmenn tylltu sér á topp Olísdeildar karla í handknattleik í kvöld með sigri á HK, 29:26, í 2.umferð Olísdeildar karla í handknattleik í Kórnum í kvöld. Ekki blés byrlega fyrir Mosfellingum framan af viðureigninni. Þeir voru fjórum mörkum undir, 16:12, í hálfleik. HK-ingar skoruðu þar á ofan tvö fyrstu mörk síðari hálfleiks og náðu sex marka forskoti.
Þegar þar var komið sögu hófst gagnsókn Aftureldingarmanna. Staðan var jöfn um miðja hálfleikinn. Fimm mínútum fyrir leikslok voru heimamenn komnir marki undir, 26:25, og sáu síðan stigin tvö renna sér úr greipum harpixins.
Eftir að hafa verið daufur í fyrri hálfleik þá sótti Einar Baldvin Baldvinsson markvörður Aftureldingar í sig veðrið í þeim síðari samhliða betri varnarleik.
Afturelding hefur þar með fjögur stig eftir tvo fyrstu leikina en HK-ingar eru stigalausir eftir tvo nauma tapleiki heima og að heiman.
Mörk HK: Andri Þór Helgason 5, Ágúst Guðmundsson 5, Örn Alexandersson 4, Haukur Ingi Hauksson 3, Sigurður Jefferson Guarino 3, Styrmir Hugi Sigurðarson 2, Hjörtur Ingi Halldórsson 2, Leó Snær Pétursson 2.
Varin skot: Róbert Örn Karlsson 12, Rökkvi Pacheco Steinunnarson 1.
Mörk Aftureldingar: Harri Halldórsson 5, Ævar Smári Gunnarsson 5, Árni Bragi Eyjólfsson 4, Kristján Ottó Hjálmsson 4, Stefán Magni Hjartarson 2, Ágúst Ingi Óskarsson 2, Oscar Sven Leithoff Lykke 2, Ihor Kopyshynskyi 2, Haukur Guðmundsson 1, Þorvaldur Tryggvason 1, Sveinur Olafsson 1.
Varin skot: Einar Baldvin Baldvinsson 13, Sigurjón Bragi Atlason 1.
Tölfræði leiksins hjá HBStatz.
Staðan og næstu leikir í Olísdeildum.
