HK er efst í Grill 66-deild kvenna þegar einum leik af fjórum er ólokið í 2. umferð. HK lagði Aftureldingu í Kórnum í kvöld, 25:21, eftir að hafa verið marki yfir í hálfleik, 10:9. HK lék vel að þessu sinni, ekki síst í síðari hálfleik og ljóst er að endurkoma hinnar reyndu Valgerðar Ýrar Þorsteinsdóttur hefur haft afar góð áhrif á liðið enda býr mikil reynsla í henni.
Unglingalandsliðsmarkvörðurinn Danijela Sara B. Björnsdóttir var einnig öflug og átti fín frammistaða hennar í leiknum í Kórnum ekki síst þátt í að sigur HK var öruggur þegar upp var staðið.
Ída Margrét hetja Gróttu
Mikil spenna var í Safamýri þegar Grótta sótti Víkinga heima. Víkingur lagði FH fyrir viku í fyrstu umferð. Liðið hafði nærri því krækt í jafntefli í kvöld en Ída Margrét Stefánsdóttir sá til þess að Grótta vann fyrsta leik sinn í deildinni. Hún skoraði sigurmarkið níu sekúndum fyrir leikslok í skemmtilegum leik.
Vera skoraði sigurmarkið
Ekki var spennan minni í Kaplakrika þegar FH og Fjölnir áttust við. Vera Pálsdóttir skoraði sigurmark Fjölnis rétt áður en leiktíminn var úti, 22:21. Hennar eina mark í viðureigninni. Markverðir beggja liða fóru á kostum.
Fjölnir hefur þar með krækt í sinn fyrsta vinning en FH situr á botninum án stiga.
Víkingur – Grótta 22:23 (9:12).
Mörk Víkings: Auður Brynja Sölvadóttir 6, Valgerður Elín Snorradóttir 6, Hildur Guðjónsdóttir 3, Arnbjörg Bertha Kristjánsdóttir 2, Hafdís Shizuka Iura 2, Sara Björg Davíðsdóttir 2, Mattý Rós Birgisdóttir 1.
Varin skot: Klaudia Katarzyna Kondras 12.
Mörk Gróttu: Ída Margrét Stefánsdóttir 6, Katrín Arna Andradóttir 6, Katrín S. Scheving Thorsteinsson 5, Katrín Helga Sigurbergsdóttir 2, Þóra María Sigurjónsdóttir 2, Arndís Áslaug Grímsdóttir 1, Lilja Hrund Stefánsdóttir 1.
Varin skot: Andrea Gunnlaugsdóttir 7, Anna Karólína Ingadóttir 1.
Staðan og næstu leikir í Grill 66-deildum.
HK – Afturelding 25:21 (10:9).
Mörk HK: Valgerður Ýr Þorsteinsdóttir 6, Þórhildur Braga Þórðardóttir 4, Sóley Ívarsdóttir 4, Hekla Fönn Vilhelmsdóttir 3, Jóhanna Lind Jónasdóttir 2, Selma Sól Ómarsdóttir 2, Tinna Ósk Gunnarsdóttir 2, Inga Fanney Hauksdóttir 1, Katrín Hekla Magnúsdóttir 1.
Varin skot: Danijela Sara B. Björnsdóttir 13.
Mörk Aftureldingar: Katrín Helga Davíðsdóttir 8, Elínborg Katla Þorbjörnsdóttir 7, Úlfhildur Tinna Lárusdóttir 2, Susan Ines Barinas Gamboa 2, Arna Sól Orradóttir 1, Drífa Garðarsdóttir 1.
Varin skot: Ingibjörg Gróa Guðmundsdóttir 8, Sigurdís Sjöfn Freysdóttir 2.
FH – Fjölnir 21:22 (11:12).
Mörk FH: Fanney Þóra Þórsdóttir 6, Elísa Björt Ágústsdóttir 3, Gyða Kristín Ásgeirsdóttir 3, Ísabella Jórunn Mueller 3, Eva Guðrúnardóttir Long 2, Thelma Dögg Einarsdóttir 2, Ragnhildur Edda Þórðardóttir 1, Telma Medos 1.
Varin skot: Szonja Szöke 15.
Mörk Fjölnis: Sólveig Ása Brynjarsdóttir 10, Berglind Benediktsdóttir 4, Stefanía Ósk Engilbertsdóttir 4, Sara Kristín Pedersen 3, Vera Pálsdóttir 1.
Varin skot: Signý Pála Pálsdóttir 19.
Staðan og næstu leikir í Grill 66-deildum.
