Florian Drosten tryggði MT Melsungen dramatískt jafntefli á heimavelli í HC Erlangen í þýsku 1. deildinni í gærkvöld, 32:32. Drosten jafnaði metin úr þröngu færi úr vinstra horni. Hann náði frákasti af skoti Dainis Krištopāns sem markvörður Erlangen varði.
Marek Nissen hafði komið Erlangen yfir, 31:32, þegar sjö sekúndur voru til leiksloka. Þjálfari Melsungen tók leikhlé og upp úr því birtist jöfnunarmarkið sem nánar má sjá í myndskeiði neðst í þessari frétt.
Viggó Kristjánsson átti stórleik með HC Erlangen, skoraði átta mörk og gaf sex stoðsendingar. Honum var einnig vikið einu sinni af leikvelli.
Andri Már Rúnarsson stóð einnig fyrir sínu með fjögur mörk og eina stoðsendingu.
Arnar Freyr Arnarsson skoraði eitt mark fyrir Melsungen og var einu sinni vikið af leikvelli í þessum jafna og spennandi leik.
Reynir Þór Stefánsson, sem gekk til liðs við Melsungen í sumar, er ennþá úr leik.
Hér valdir kafla úr leiknum:
Stöðuna í þýsku 1. deildinni og í fleiri deildum evrópsks handknattleiks er að finna hér.
